Network Kya Hai aur Kitne Types Ke Hote Hai

Kya aap jante hai Network Kya hai (What is Network in Hindi) aur ye kitne prakar ke hote hai. Pahle jamane me jab log apni information ek jagah se dusre jagah bhejte the to kai dino ka samay lagta hai isse logo ko bahut problems ko face karna padta tha jaise kai milo tak paidal jana, kabhi kabhi information sahi time par nahi pahuch pati or time nikalne ke baad jankari milti.

Yaha par Information se matlab hai message, photo, money etc. Ab aaj ke daur me Information ko ek place se dusre place tak jane me bahut kam samay lagta hai kyonki aaj Computer Networking ka jamana hai. Ab aage jante hai ki what is computer network in Hindi.

types of network in hindi

Network Kya Hai (What Is Network in Hindi)

Jab Information Share karne ke liye ek se jyada computers ko connect kiya jata hai via Wire Medium or Wireless Medium to isko Network kaha jata hai. Wire Medium ka matlab hai twisted pair cable, Coaxial cable aur Fiber Optics Cable etc aur Wireless Medium ka matlab hai Radio Wave, Bluetooth, Infrared, Satellite etc.</p

Ek Network kai sare Computers, Servers, Mainframe, Network Devices se milkar banta hai, jiska kaam hai information ko share karna. Network ka popluar exmaple hai Internet, jaha par lakho log connect rahte hai aur data share karte hai.

Network me connected sabhi Computers ko node kaha jata hai kyonki isme Data sharing ke sath sath Resource sharing bhi hota hai jaise Internet, Printer, File Servers etc. Resource Sharing ka sabse achcha example hai aapne Cyber Cafe me ek network se bahut sare comuters ko connected dekha hai aur ek printer kai computers se connect rahta hai. Waha par log alag alga computer se print karte hai but ek hi printer se sare print nikalta hai. Yaha par Resource hai Printer jo network ki help se printer ko share kar rahe hai isko Resource Sharing kaha jata hai.

Internet world ka sabse popular network mana jata hai jisme hum log daily kuch share karte rahte hai jaise Images, messages, videos, audios, document, applications etc. Kabhi kahbi hum dekhte hai ki mobile me network nahi aata iska matlab hai mobile tower ke sath connected nahi hai.

History of Network in Hindi

Network ki khoj year 1960 – 1970 me hui thi aur Network ka name tha ARPNET (Advance Research Project Agency Network).Starting me Network ka Goal tha ki terminal and remote job entry station ko mainframe ke sath connectivity karna but ARPNET net us time Resource Sharing ka concept diya.

ARPNET us samay sabje jyada bharosh mand tha kyonki yeh Circuit Switching hatakar Packet Switching par kaam karta tha. USA me Confidential Infomation ko share karne ke liye ARPNET ka use hone laga aur dheere dheere isme Advanced features jode gaye jisse world ka sabse bada Network ban gaya isko Internet ka name diya gaya.

Types of Networks in Hindi

Computer Network ko size, geographical area ke hisab se kai bhago me rakha gaya hai. Ek network ki starting ek kamre me computer ki connectivity se hokar worldwide connectivity tak pahuch gayi hai. Computer Nework ke mostly three Types hai Jaise LAN, MAN, WAN and other type jaise PAN, HAN.

LAN (Local Area Network)

LAN Network aapko har jagah dekhne ko mil jayega jaise Office, College, School, Companies etc. LAN ka use Resource Sharing, Data Storage, Document Printing ke liye kiya jata hai. LAN network banane ke liye kam Hardware ki jarurat padti hai jaise hub, switch, network adapter, router and Ethernet cable.

Sabse Chhota LAN banane ke liye kewal do Computer ki jarurat padegi. Ek LAN se 1000 Computers ko apase me wire connection or wirless connection ke dwara jod sakte hai. LAN ki sabse achi baat hai ki Kam budget me speed network.

Official work me document sharing and printing ke liye LAN ka use hota hai. Document Sharing means ek central server hota hai jisme official data store rahta hai jisse koi bhi employee, user id and password enter ka data ko access kar sakta hai. Yadi kisi ko print karna hai to wah Central Printer ki help se print kar sakta hai. Yadi LAN, wirless connection se bana hai to use Wireless LAN kaha jata hai.

MAN (Metropolitian Area Network)

MAN (Metropolitian Area Network) ki connectvity LAN ke compare me jyada hoti hai. MAN ka use pure city ki Network Connectivity ke liye kiya jata hai jaise ek city ke sabhi colleges, schools, government office ko ek network se connect karna. Jab bahut sare LAN ko aapse me connect kiya jata hai tab ek MAN banta hai jo 10 KM -100 KM ki range cover karta hai.

Jab is prakar ke Network College Campus me use hote hai to use Campus Area Network kaha jata hai iska best example hai cable TV Network. Bade bade Business Organization apne Business center ko connect karne ke liye MAN ka use karte hai.

WAN (Wide Area Network)

LAN and MAN ko milane par jo Network banta hai use WAN (Wide Area Network) kahte hai. Yeh bahut bada Network hota hai Globle Computers ko connect karne ke liye use kiya jata hai. Wide Area Network ka sabse popular example hai Internet.

WAN se connected Computers mostly public network par kaam karti hai jaise Telephone Line, Leased Line,Satellite etc. Jo Company WAN ki service deti hai use Network Service Provider kahte hai. WAN me SONET, Framerelay, ATM ki services use ki jati hai jise WAN bahut costly hota hai.

I hope aapko Computer Network kya hai (What Is Network in Hindi) aur kitne prakar ke hote hai samajh me aa gaya hoga. Yadi aapka koi is post se related koi question or suggestion hai to comment kar sakte hai aur post acha laga ho to ise share jarur kare.

5.0
02

About Vijay Singraul

नमस्कार दोस्तों, मैं HindiMePost का Chief Author और Founder हूँ | मुझे Blogging और Technology से जुडी जानकारियां पढने और दूसरों के साथ शेयर करने में अच्छा लगता है| आप भी इस ब्लॉग से जुड़े और रोजाना कुछ नया सीखें.

View all posts by Vijay Singraul →

2 Comments on “Network Kya Hai aur Kitne Types Ke Hote Hai”

    1. Competition bahut jyada hai isliye ranking aane me time lagega.
      1. Aap aise ki keyword par post likhe jinki searches jyada ho.
      2. Website ke liye backlinks banaye.
      3. Apne niche se related sites par Guest Post kare.

Leave a Reply

Your email address will not be published. Required fields are marked *